Jrain pynieng ka USTM, da ka PA Sangma Hospital ha Khanapara

Shillong:Ka PA Sangma International medical College bad hospital, kawei na ka projek ba jingphohsniew jong ka seng treimon sngew bha jong ka ERD foundation Guwahati ba la ialam da U Mahbulbul Hoque, kum u shongknor jong ka, la iohi ba la sdang ban pyntrei kam da ka ba lah plie ia u maw nongrim jong ka shlem pule doktor, nos, bad kiwei kiwei ha University of science and technology (US TM) ha Khana para, Meghalaya.

Ia u mawnongrim, la plie da u Conrad Kongkal Sangma, ha ka jing donlang jong u Rhonda vetere, uba dei u wei u nongialam satlak pyrthei na ri America,ha ka jingdon lang u R.S Mooshary, u ba dei u lat barim jong ka jylla Meghalaya,u bah Lahkmen Rymbui u ba dei u myntri jong ka tnat pule puthi, U Dr R.C Deka uba dei u Director barim jong ka AIIMS, U Dr Dhrubajyoti Baruah u ba dei u Vice Chancellor jong ka skul bah Srimanta Sankaradeva University of health sciences, u Rangbah shipai Lt Zameer Uddin Shah uba dei u Vice Chancellor barim jong ka AMU, u Dr abdul Rase professor na America, uba dei uwei na ki stad dawai da shin, u Faisal Masood managing partner ka EO,USA bad u bah Sosthenes Sohtun u MLA jong ka Jirang konstitwensi, kum u wei na ki nongshahkhot sngewbha. Ki doktor na baroh ki bynta jong ka North East, ki bynta jong ka ri bad wat na America ruh kumjuh ki la sakhi, ia kane ka sngi ba kyrpang, ha ka ba u RS Mooshary u la long u nongkren maitphang ha kane ka sngi.

Haba kren sha ki nongthoh khubor u shongknor jong kane ka skul bah u la iathuh, ba ha kaba nyngkong ka thong hi ka long ban buh ia ka hospital ba 200 jingthiah, ha ryngkat ki doktor ba lah tip kyrpang, ha ryngkat ki tiar test jingpang kiba katkum kane ka juk thymmai ba mynta. U la iathuh shuh ba kane ka aspatal kan ai dawai bad sumar ei ia ki briew kiba duna ha ka ioh ka kot bad khlem ka jingsiew wat tang shi naia ruh ia ki nongshong shnong kiba dei hi na ka jylla Meghalaya.

Haba iadei bad ka jaka pule, u la iathuh, ba ka thong ba ha khmat jong kane ka jaka pule ka long beit ban khring ia ki samla pule na kiwei pat ki ri ba shathie jong ka Dewbah Asia hi baroh kawei bad ki la buh ruh ia ki samla pule bad nong shah sumar kum na Nepal, Bangladesh bad Bhutan.