Shillong: Ka “Khasi Heritage Village” ka ba don ha ka shnong Mawphlang ka ba la ai sngewbha da ka Hima Mawphlang sha ka KHADC ban buh pynsah nam ia ki Hima khasi ha katei ka jaka.
Hynrei mynta ka long ka ba isangsot haba peit ia kane ka “Khasi HeritageVillage” namar ba kiba sah mynta ki dei sa tang ki lynti iaid bad ki jingtei da ki dewbilat hynrei ki iing kiba la shna kyrpang katkum ka jingdon ki hima kila jot lut baroh,kane ka jaka mynta kam shem la long kat kum ka jingthmu ban buh ia kita ki jingpynsah nam ia ki Hima khasi ba ki briew na kylleng ka pyrthei ki lah ban iohi ia ka riti dustur jong U khasi.
Ka jingieh noh khlem da peit bad sumar ia ka ne ka “Khasi Heritage Village” na ka liang ka Hima Mawphlang ne na ka KHADC ka la wanrah ia ka jingjot ia kane ka jaka kaba kyrpang tam.
Naduh ba sdang ka la don ka jingiakren hapdeng ka Hima Mawphlang bad ka KHADC ba kan don ka jingiabhah ia ka jingmih na kaba iohlum na ki nongleit jngoh kai pyrthei sha katei ka “Khasi Heritage Village” hapdeng ka Hima bad ka KHADC.
Hynrei ia ka rai ban ia mynjur ha pdeng ka Hima Mawphlang bad ka KHADC ban ia bhah ba katno ka pisa kan ioh ka Hima Mawphlang bad katno ka pisa kan ioh ka KHADC, kam shem la poi sha no shano ruh haduh kine k sngi bad ka jingiakhnieh bhah hapheng jong ki, ka la pynjot thiaw ia katei ka jaka ka ba la pynlut da ki klur tyngka ban pynwandur ia ka.
Ia ka “Khasi Heritage Village” la pynwan dur ha ka por ba u Bah Pynshngianlang Syiem u dang long kum u Chief Executive Member ha Khasi Hills Autonomous District Council ha kaba u la saindur ban don ia ka jaka kyrpang ban buh pynsah nam ia ka jinglong tynrai jong ki Hima Khasi kiba hap hapoh jong ka jingpeit jong ka KHADC.
Ka dang lyngkot palat da lah ban kham bniah ka jin da la bha shibun naduh mynno la sdang ryngkat ki Tarik, bnai bad snem nangta ki prokram ba la dep pynlong ha katei ka jaka. Khublei shibun