Tura: U Rakesh A. Sangma, lamphang barim jong ka dorbar GHADC, ula shah jied mynta ka sngi, kum U Chief Executive Member (CEM) ba thymmai jong katei ka Council, da kaba u ioh 15 vote, katba U Benedic Marak, uba dei U CEM barim, uba ialeh pyrshah ia U Rakesh, u ioh 13 votes.
U Benedic Marak, ula hiar shuki kum U CEM ha ka sngi saitjain ba ladep, hadien ba ula duh ia ka jing shaniah jong ki MDC jong katei ka Council bad ula shah kynnoh, ba u ialeh pyrshah ia ka NPP, da kaba u iatreilang bad ka All India Trinamool Congress Party (AITC).
U Rakesh Sangma, u dei U MDC jong ka Babelapara bad ula iehnoh ia ka shuki kum u lamphang ka dorbar GHADC, hadien ba ula rai ban iakhun kum U CEM jong ka Council.
U Conrad K Sangma, myntri rangbah ka Jylla, u ai khublei ia U Rakesh, halor ka jingjop jongu, kum U CEM ba thymmai bad u kyrmen, ba ha ka jingialam jongu, yn dang lah ban wan rah ia ka roi ka par bad ki jing kylla ba pyn myntoi ia katei ka Council.
Phi don ban ong eiei?