Jop U Phrangki kum u Dolloi ka Muskut

Jowai, 24 Rymphang:
U bah Phrangki Rynjah u la long u Dolloi ba pura ka Muskut Elaka ha West Jaintia Hills hadien ba u la jop da 20 Bud ia u para arkmie jong u, u bah Donbhalang Rynjah.
Ia ka jingjop jong u bah Phrangki la pynbna da ka Returning Officer ka JHADC kaba peit kyrpang ia ka kam Election ki Dolloi, ka kong E Shylla hadien ba la dep niew ia ki vote mynta ka sngi Thohdieng ha ophis ka JHADC, Jowai.
U Prangki u la ioh 43 Bud katba u Donbhalang u la ioh 23 votes. Ka Muskut Elaka ka dei ka elaka kaba rit tam kaba don tang kawei ka shnong – ka Shnong Muskut kaba don ruh tang 71 ngut ki shynrang kiba donhok ban thep Bud ne jied dolloi.
Napdeng ki 71 ngut, tang 67 ngut kiba la wan ban thep Bud bad kawei ka la shah kyntait. Ia ka jingiathep Bud la pynlong ha ka 22 tarik une u bnai bad ka jingniew ia ki Bud la pyndep mynta ka sngi.