NEW DELHI: U Jagdeep Dhankhar, u kyrtong jong ka kynhun NDA, ula jop, hynnin ka sngi, ha ka elekshon Vice President jong ka India, da kaba u pynrem ia ka Margaret Alva da 346 vote. U Dhankhar, U Lat barim ka West Bengal, u ioh 528 vote, katba ka Alva, ka ioh 182 vote.
Hadien ka jingniew vote, hynnin ka sngi, U General Secretary, ka Lok Sabha, Utpal K Singh, u iathuh ba kiba thep vote, ki don 725, lane 92.4%, na ka jingdon ki 780ngut ki MP bad ki don 15 tylli ki vote, kiba thep bakla.
Mar ia shah jied, kum U Vice President, U Narendra Modi, myntri rangbahduh, u leit ia kynduh ia U Dhankar. U M Venkaiah Naidu, Vice President ba mynta, un kut ka por treikam jongu, ha ka 10tarik Nailar 2022.
Phi don ban ong eiei?