Jop Sordar u Premier ha Umniuh-Tmar

Shillong,20 Jymmang:
Ka Khasi Hills Autonomous District Council mynta ka sngi ka la pynlong ia ka elekshon jied Sordar jong ka Elaka Umniuh Tmar Sirdarship, na ka bynya ka san snem pura, ki la don ar ngut ki kyrtong kiba ia khun ha katei ka elekshon, u bah Kolon Rynga ba la ia khun na ka shap jong ka waitbnoh bad u bah Premier Sing Khongbeh uba la iakhun na ka shap jong ka Ingtrep.
Ha katei ka elekshon ki la don haduh 755 ngut ki nongthep vote kiba dei ki khlieh rangbah ba la palat ia ka 18 snem karta, na ka 755 vote kiba wan athep ki long tang 527 vote bad 18 vote ki la shah kyntait. Ha katei ka elekshon u bah Premiere u la shah jied biang kum u Sirdar jong ka Elaka Umniuh Tmar ha kaba u la ioh ban khur haduh 395 vote, katba u bah Rynga pat u la ioh tang 114 vote.
Lah ban pynkynmaw ba ka elekshon jied Sordar ha Umniuh Tmar ka la long hadien ka jingiehnoh kam jong u Sirdara barim ka Elaka u bah Nonglam Khongshah, katkum ka kyrwoh na u Secretary ka Elaka Umniuh Tmar u bah Incharge Diengdoh.