|
Shillong: Ka Shillong Lajong ka la pynliem salit ia ka Minerva Punjab da 1-0 kol ha ka jingiakhun ha ka lumpung I-League ha madan Tau Devi Lal Stadium ha sor Chandigarh.
Ia kane kawei ka kol ka Lajong la thep da u Phurba Lachenpa uba jop ruh ia ka khusnam Hero of the Match. Une u nongialehkai na Shillong Lajong u la thep ha ka 7 minit jong ka jingialehkai ia kane ka kol ka jingjop ia ka Lajong. Haba iakhun tyngeh ban pynphai, ka Minerva ka la jan ioh ban thep ha ka 13 minit hynrei sniew bok kam shym la lah ban pynkhih ia ka jar bad kumjuh na ka liang u nongialehkai ka Lajong u Kynsailang Khongsit ula jan ioh ban pynkhih biang haka 23 minit. Kane ka jingjop ka la pynkmen ia u coach ka Lajong u bah Alison Kharsyntiew hadien ba ka kynhun ka la khur lai point na kane ka jingialehkai. Da kane ka jingjop, ka Lajong ka la kamai 7 point na ki 13 sien ialehkai bad kan iakhun sa ia ka Churchill Brothers ha ka 5 tarik Rymphang ha JN Stadium Shillong. |
