Ka Samajwadi Party mynta ka sngi, ka la pynrem kput ia ka seng BJP, kaba synshar ha Uttar Pradesh ha ar tylli ki elekshon shiteng samoi ha katei ka Jylla.
U kandidet jong ka seng SP, U Nagendra Pratap Singh Patel, ula pynliem ia U Kaushlendra Singh Patel, uba dei u kandidet jong ka seng BJP, da 59,613 vote, nangta u kandidet jong ka seng SP, ula pynliem ruh ia u kandidet jong ka seng synshar, ha ka ktem bah jong U Yogi Adityanath ha Gorakhpur da 21,000 vote. U kandidet jong ka seng SP, U Praveen Nishad, ula pynrem ia U Upendra Dutt Shukla da 21,000 vote ban ioh bat ia ka shuki Lok Sabbha ha Gorakhpur.
Ka jingthep vote ha Gorakhpur ka long 47.45 percent, katba ha Phulpur ka long 37.39 percent, ha ka jingthep vote kaba long ha ka Sngi U Blei. Ka jingthep vote, la pynlong hadien ka jinghiar shuki jong U Yogi Aditynath, myntri rangbah ka Uttar Pradesh bad sa u myntri rangbah ba ar, U Keshav Prasad Maurya, uba la pyllait noh ia ka Phulpur Constituency. U Adityanath, ula mihkhmat ia ka Gorakhpur, la san sien kynthih.