Jop ki thei ka Meghalaya ia ka kriket

Shillong: Ka kynhun ialehkai kriket ki thei ka Meghalaya ki la jop ia ka jingialehkai sdang ka Women’s Cricket U-19 One Day League ka plate group da 8 wicket ia ka Mizoram ha ka jingiakhun myn hynnin ka sngi ha Dehradun.
Ka Meghalaya, kaba jop ia ka kynting pisa ka la kam ban ap ktem bad ka la lah ban pynliem ia ka Mizoram tang ha ka 95 ron ha ka 33.2 over. Ka Deiphibapynshngain L Mawnai ka la kamai 3/7 na 6 over katba ka Wahlang ka kamai (2/10) bad ka Rubi Chetri ka kamai (2/24) bad ka Thymmei Lyngdoh ka la kamai 1/17.
Ka Meghalaya kan iakhun biang lashai pyrshah ia ka Nagaland ha kajuh ka jaka. Ka Nagaland ka la dep jop da 10 ron ia ka Arunachal Pradesh.