Shillong: Ka jingialehkai phutbol ba la tip kum ka IIIrd Mawutieng Invitation Football Tournament 2021, ba la pyniaid da ka Mawutieng Sports and Cultural Club ha madan Thohlyndit, Sohryngkham myn sngi saitjain ka long ba ha ka jingialehkai ba nyngkong ka kynhun ialehkai Youngstar FC (Pommura), ka la pynliem da 2-0 kol ia ka King XI (Smit).
Ha ka jingialehkai ba-ar ka kynhun ialehkai Sohryngkham Youngstar ka la pynliem da 2-0 kol ia ka Mawkasiang SC.
Na ka liang ka synjuk ka pyntip ba kan don biang ka jingialehkai pre-quarter ha ka 10tarik Iaiong, 2021 (sngi saitjain).
Ha kane ka sngi kan don ka jingialehkai hapdeng ka Mawpat Circle-II pyrshah ia ka Dream Clippers (Shillong) ha ka por 12.30 PM bad ka ka jingialehkai ka ba-ar hapdeng ka Khlur Ka Ri (Shillong) pyrshah ia ka Jaroit SC ha ka por 2.30 PM.
Ka synjuk ka khot ka wer ia baroh ki riew ieit phutbol ban ia wan ban sakhi da la ki jong ki khmat ia kine ki jingialehkai. Ka bai rung na ka bynta ki nongpeitkai ka long tang 30 tyngka marwei.
Phi don ban ong eiei?