Shillong: Ki nongialehkai ka Meghalaya, ki la shah pynrem ha ka West Bengal, da 4-3 ha ka jing ialehkai jong ka Santosh Trophy, ha Kottappadi Football Stadium, ha Kerala mynta ka sngi.
Ka Bengal, ka la ioh thep ia ka kol, kaba nyngkong, ha ka minit kaba 23, ha ka jing ialehkai jong ka Group A, ha kaba la pynphai pat da U Sangti Janai Shianglong, ha ka minit kaba 40. Ha shwa ka kylla step, ka Bengal, ka la ioh da ka penalty, ha kaba ka la kiew sha ka 2-1 kol.
Ha ka kylla miet, U Bah Shano Tariang, ula ioh thep ar kol, hynrei ka Bengal, ka la tam biang, ha ka jing ialehkai bad ka jing ialehkai ka kut da kaba ka Bengal, ka ioh 4kol bad ka Meghalaya, ka ioh thep tang 3 kol.
Ha ka minit kaba 85, ka Meghalaya, ka la ioh ban shut penalty, hynrei u kol ka West Bengal, ula ioh ban iada ia ka bol, ba la shut da U bah Hardy Cliff Nongbri.
Ka Meghalaya, kaba don mynta 4 point, kan ialeh pyrshah ia ka Punjab ha ka Sngi U Blei, ha ka por 8baje mynmiet bad katei ka dei ka jing ialehkai kaba khadduh jong ka Meghalaya bad ka Meghalaya, ka dei ban jop ha katei ka jing ialehkai ban ioh ban rung sha ka pali kaba bud jong ka jing ialehkai.
Phi don ban ong eiei?