Jop ka Umkrem ia ka Nongtalang

Shillong: Ka Umkrem ka la pynliem ia ka Nongtalang da 4-2 kol ha ka jingiakhun jong ka lumpung 19th Riwar Cup Invitation Football ba la pyniaid daka Bakur Social Welfare Sport Club ha madan Bakur. Ka Umkrem ka la jop ia ka Nongtalang YC lyngba ka tie-breaker.

            Ha kawei ka jingialehkai, ka Laitsohphie, Pynursla ka la pynliem ia ka Mawshun da 1-0 bad ia kane ka kol la thep da u Wanpynbha Nengnong ha ka 20 minit.  SHuh ka Young Boys  Shnongshoh ka la pynliem ia ka Bakur lyngba ka tie-breaker da 4-3.

            Ka jingialehkai kaban long ha ka 28 tarik kan long hapdeng ka Dongmihngi Mupyot pyrshah iaka Emergency United por 12.00 noon, ka Pashum pyrshah iaka Laitkyrhong por 1.15 pm bad Man I bha Shkentalang pyrshah iaka Lamin XI por 2.45.