Jop ka Tottenham, ia ka Ajax ha ka Semi Final jong ka Champions League

Ka Tottenham, ka la pynliem ia ka Ajax, ha ka kylla kaba ar jong ka jingialehkai Semi Final jong ka Champions League, da 3-2.

Ha ka jingialehkai hynnin ka miet, ia ki kol na ka liang ka Ajax, la ioh thep da U Mathijs de ligt ha ka minit kaba 5 bad U Hakim Ziyech ha ka minit kaba 35, katba ia ka Tottenham, la thep da U Loucas Moura ha ka minit kaba 55, 59 bad kaba 96.

Mynta ka Tottenham, kan ia khun pyrshah ia ka Liverpool, ha ka jingialehkai phainal jong ka Champions League bad kitei baroh ar, ki dei ki Club kiba na England suda.