Jop ka St Mary’s College bad ka Lady Keane College ha ka ialehkai Basketball

Shillong: Ka St Mary’s College ka la pylliem ia ka Kiang Nangbah Govt. College da 35- 07 katba ka Lady Keane College ka pylliem ia ka Nongstoin College da 46-13 ha ka NEHU Inter College Basketball (Men & Women) Tournament 2019 kaba long myn hynnin ka sngi ha ka kyrdan ki kynthei.

Ha ka jingiakhun ki shynrang, ka Shillong College ka la pylliem ia ka Jaintia Eastern College da 96-13, ka North-East Adventist College pylliem ia ka Nongstoin College da 52-37, ka St. Anthony’s College ka pylliem ia ka Goodwill College da 99-01, ka St Edmund’s College ka pylliem ia ka St. Anthony’s College Byndihati da 63-50, ka Synod College ka la pylliem ia ka Sankerdev College da 46-20 bad ka NEHU, Shillong ka la pylliem ia ka Kiang Nangbah College da 27-17.