Jop ka Spartants, NFU, Sputnik bad Riatsamthiah ha ka Super T20

Shillong: Ka Spartants, NFU, Sputnik bad ka Riatsamthiah ki long saw tylli ki kynhun kiba la rung sha ka semi ka Shillong League Super Division T20 ba la pyniaid da ka Shilong Cricket Association ha madan ialehkai cricket ha JN Stadium Polo.
Ka Spartants kan iakhun pyrshah ia ka NFU ha ka semi ba nyngkong katba ka Sputnik kan iakhun pyrshah ia ka Riatsamthiah mynta ka sngi.
Ka Sputnik Spartan ka la pynliem ia ka Langsning da 88 run lyngba ka spah run na u Kush Agarwal ha ka jingiakhun mynta ka sngi. Ka Sputnik ka tied 172 run bad shah pynhap noh 4 wkt ha ki 20 over.
U Kush Agarwal ula lah ban kamai 106 run na ki 71 bol bad u Prashan ula bynrap 31 run na ki 25 bol na bynta ka Langsning katba na ki nongkawang bol u Proklin Phanjom bad ki Aiborlang ki la khur mar 1wkt na ki 4 over ha ki 19 bad 27 run.
Ka Langsning haba wan ban beh ia ka thong ka la ioh ban kamai tang 84 run na ki 20 over bad shah pynliem noh 9 wkt.
Na ki nongtied u Lakhan Singh ula khur 2 wkt na ki 3 over ha ki 5 run bad Arbin Singh ula khur 2 wkt ha ki 8 run na ki 4 over ban pynjop ia ka Sputnik da 88 run.