SAINT PETERSBURG: U Unai Simon, u nongap kol, u dei uba tbit tam, ha ka jing ialehkai hynnin ka miet hapdeng ka Spain pyrshah ia ka Switzerland, kaba don tang shiphew ngut ki nong ialehkai, ha kaba ka Spain, ka la jop da 3-1, ha ka jing ia shut penalty ha ka jing ialehkai Euro 2020.
Ka Spain, ka la ioh bor shi bun eh, haba U Denis Zakaria, u nong ialehkai ka Swiss, ula thep hi ia ka bol, sha ka kol lajong ha ka minit kaba phra, hynrei ia katei ka kol, la ioh pyn iakhaid da U Xherdan Zhakiri, u nong ialehkai ka Switzerland, ha ka minit kaba 68.
Ka jing ialehkai, ka la ia khaid da 1-1, ha kaba la pynlong ha Saint Petersburg. Ka Swiss, ka la don sa tang shiphew ngut ki nong ialehkai, haba ka jing ialehkai, kan kut noh sa tang 13 minit, haba U Remo Freuler, u nong ialehkai pdeng, ula shah beh noh, namar ba u lymbub ia U Gerard Moreno.
Namar ka jing ialehkai, ka la poi sha ka jing ia khaid, kumta la pynlong noh da ka jingshut penalty, ha kaba ka Spain, ka la jop da 3-1 ia ka Switzerland.
Phi don ban ong eiei?