Jop ka Ri Bhoi bad ka South Garo Hills, ha ka U-23 Men’s Cricket

Shillong: Ka Ri Bhoi bad ka South Garo Hills ki la jop ia ki match jong ka Meghalaya Cricket Association’s Inter-District U-23 Men’s Cricket Tournament kaba la long myn ha ka sngi saitjain ba la dep.

Ka Ri Bhoi ka la lah ban pynliem noh ia ka East Jaintia Hills hapoh ka inning bad da 69 run hapoh ka zone 1 ba la ialeh ha Nongpoh, katba ka South Garo Hills ka la jop da 8 wicket pyrshah ia ka South West Khasi Hills ba la pynlong ha Mendi pathar ha ka Zone 2.

Haba la bteng ia ka sngi ba ar na ka 36/2 ha ka inning kaba 2, ka EJH ka dang long dang 145 run shadien na ka jingioh tied bol biang jong ka Ri Bhoi. Ha kaba kut ka EJH ka poi tang 112 da ka jing khyl lem lut jong baroh ki wicket hadien ka jingleitphai noh jong u Passang Sherpa (24) bad u Bharat Subba (22) kiba la kot sha ka run kaba mar 20 khlieh.

Ki nongkawang bol kiba ka lehbha ki long u Ram Gurung (3/16) bad u Vicky Kumar (3/22) kiba la ioh mait mar 3 wicket. U Gurung u la pynkut ia ka jinglehkai da 9/41 hadien ka jingioh 6/25 ha ka inning kaba nyngkong.