U Thibaut Courtois, ula ialehkai bha hynnin ka sngi ban iada ia ka Real Madrid, na ka jingshah thep kol, ha ka Huesca, kaba dei ka klob kaba tlot bor shibun ha ka jingialehkai jong ka Laliga. Ha katei ka jingialehkai U Gareth Bale, ula ioh thep shi kol bad lyngba ka kol jong U Bale, ka Real, ka la jop da 1-0 ia ka Huesca.
U Bale, u la ioh thep ia ka kol ha ka minit kaba 8 jong ka jingialehkai. Lyngba katei ka jingjop, ka Real Madrid, ka wan mynta ha ka kyrdan kaba saw jong ka ialehkai Laliga, da kaba ka ioh 26 point, katba ka Barcelona ka wan ba nyngkong, da kaba ka ioh 31 point.