Jop ka Portugal, shah pynliem ka Wales, ha ka ialehkai World Cup

Ka Wales, ka la shah pynliem, hynnin ka sngi, ha ka Iran, da 2-0, ha ka jing ialehkai ka Group B jong ia ialeh World Cup ha Qatar. La thep ia ki kol jong ka Iran, da U Rouzbeh Sheshmi, ha ka minit kaba 90+8, katba U Ramin Rezaeian, u ioh thep ha ka minit kaba 90+11.

U nongialehkai ka Wales, U Wayne Henneysey, uba dei u nongap kol jong katei ka Ri, ula shah beh noh, ha ka minit kaba 86 jong ka jingialehkai.

Ha kawei pat ka jingialehkai ka Portugal, ka la jop ia ka Ghana, da 3-2. U Christiano Ronaldo, ula ioh shut penalty ha ka minit kaba 65, nangta U Joao Felix, ula ioh thep ha ka minit kaba 78, U Rafael Leao, ha ka minit kaba 80, katba ka Ghana, ka ioh thep ha ka minit kaba 73, lyngba U Andre Ayew bad ha ka minit kaba 89, lyngba U Osman Bukari.