Jop ka Portugal ia ka Hungary, thep U Ronaldo ar kol

BUDAPEST, HUNGARY: U Cristiano Ronaldo, ula ioh thep kol ar sien, hynnin ka miet, ha ka jing iakhun jong ka Portugal pyrshah ia ka Hungary, ha ka European Championship, ha kaba ka Portugal, ka jop 3-0 victory, ha ka jing ialehkai kaba bun briew bha ha Puskas Arena.

U Ronaldo, ula thep ia ka kol, jong kane ka jing ialehkai Euro, da ka jingshut penalty bad nangta ha ka minit kaba 87 bad nangta sa shi kol, ha ka jing ai por tam kaba khyndiat ha shwa ban wai.

Nangta u nongap dien ka Portugal, U Raphael Guerreiro, ula thep ia ka kol kaba nyngkong, kaba long ha ka 3 minit, shwa ba un ioh thep U Ronaldo.

Ka jing ialehkai, ka don ia 67,215 ngut ki nong peitkai ha Puskas Arena bad ka la don kawei ka kol, kaba la thep da U Szabolcs Schon, jong ka Hungary, ha ka minit kaba 80, hynrei ym shym la khein satia ia katei ka kol, namar ba ka dei ka offside.