Shillong:Da ka jingjop ka kyrtong ka parti ka kong Ferlin CA Sangma ha ka elekshon shiteng samoi na ka Selsella konstitwensi.Ka parti NPP ka ba ialam ia ka Sorkar MDA mynta ka sngi ka la kynjoh ia ka jingkhlain bad jingbun pait tam ha ka Iing dorbar thawain ba 60 seat, ha kaba ka kong Ferlin ka ioh 15,781 but katba ka kong June, ka tnga jong u Clement ka ioh tang 11,412 vote.
Ka kong Ferlin ka la pynliem ia ka kyrtong ka seng kongkres ka kong June Eliana R. Marak da 4,369 vote.
Da kane ka jingjop ka kyrtong ka parti,ka NPP ka la kynjoh ban long ka parti ba heh duh ha ka jylla.Ka jingiathep but shiteng samoi ha Selsella konstitwensi ka la jia dei namar ka jingkhlad noh u MLA na ka seng Kongres u Clement R Marak u tnga ka kong June Eliana R.Marak u ba la long teng ruh kum u Myntri ka sorkar jylla.
Kiwei pat ki kyrtong ba la iakhun pyrshah ki long U Adorsho Sangma na ka BJP u ioh 1,018 but, u Sayeedullah Nongrum na ka United Democratic Party (UDP) u ioh 543 vote. Katba kiba nion ha u NOTA ki don 123 vote .
Da ka jingjop na kane ka Konstitwensi ka parti NPP mynta ka la don 21 ngut ki MLA ha iing dorbar katba ka parti kongkres ha ka liang pyrshah ka don tang 20 ngut ki MLA.
Dei ka parti NPP ka ba ialam ha ka sorkar MDA ryngkar ka jingiatreilang ki paralok jongka,kata, ka UDP ba don 7 ngut ki MLA,ka PDF ka don 4 ngut, ka HSPDP ka don 2 ngut,ka BJP ka don 2 ngut, ka NCP ka don 1 bad 3 ngut ki MLA shimet.
Phi don ban ong eiei?