Shillong:Ha ka jingialehkai jong ka Vijay Hazare Trophy mynta ka sngi ha Chennai u Punit Bisht sa shisien u la lah ban kot sha ka Century na ka bynta ka Meghalaya ha ka jingjop jong ka kaba da 88 run pyrshah ia ka Sikkim.
U Bisht u la lah ban kot sha kane ka kyrdan da kaba ioh 116 run da 80 bol uba la lah ban synniang shibun ka run na ka bynta Meghalaya da 319/7 ha ka 50 over hadien ba ka Meghalaya la ioh ia ka kabu ban jied, kata da kaba tied bol shuwa.
Uwei pat u nongtied ba tbit uba la kamai bha ha ka inning jong u, kata u Sanjay Yadav u la lah ban ioh biang ha kane ka kynti, ka half century kaba ar jong u da kaba kamai ia kane tang ha i por ba lyngkot.
U Sanjay u la poi ha kaba kut jong kane ka jinglehkai da kaba kamai haduh 73 run da 42 bol bad ia kane u la kot da kaba thlieh 3 tylli ki 4 bad 6 tylli ki 6, katba u Bisht pat u la ioh thlieh 9 tylli ki 4 bad 6 tylli ki 6. Katba u Yogesh Tiwari u la kamai 58 run hadien ba u la wan mih nadien jong ki ar ngut kiba lah shah mait na kane ka jinglehkai.
Na ka liang jong ka Sikkim ka la leh kat lah kat iai ban beh ia ka thong ba la buh da ka Meghalaya hynrei ka la kot pat tang 231/9. U Dippu Sangma uba la mad ia ka jingrem ha ka Uttarakhand ha ki ar sngi kiba la leit, u la pyni la ka buit ka bor ha kane ka sngi. Ha kaba nyngkong u Sangma u la sdang ia ka jinglehkai da ka jingkawang bol bad ioh ruh ia u wicket tang ha ka over kaba nyngkong bad ka jingioh kyllum jong u ka long 2/33 ha ki 10 over. Ha kaba khein kyllum lang, ka points jong u ka long kaba bha eh na ka bynta kane ka sngi.
Ha ka jingkhmih thuh bha ki don ar ngut ki nongtied bol kiba buh jingma ia ka Meghalaya – u Ashish Thapa (79) bad u Robin Bist (59). U Robin u la shah run-out noh da u Akash Kumar Choudhary ha shuwa uba ha khmat jong u u la shah kem na ka jingtied jong u. Ha ka jingkawang bol u Choudhary u la lah ban ioh 1/48.
Katba u Abhay Negi u la ioh 2/46 bad u Ravi Teja 1/21 kumjuh ruh u Yadav u la ioh 1/43.
Ha kane ka sngi palei ban wan ka Meghalaya kan sa iakynduh pat sa bad ka Mizoram.
sngewbha ban ym sngew eiei mo, ngim sngewhuh kino ki dei ki nong Megalaya bad kino dei ki Nong Sikim.
ki senten ruh kim tuid shar shar.
sngewbha ban shim ia kane kum ka “constructive criticism”
khublei