Jop ka Meghalaya ia ka Sikkim, ha ka U-23 men’s Col CK Nayudu Trophy

Shillong:Hynnin ka sngi ka Meghalaya ka la pynliem noh ia ka Sikkim da 328 run ha ka lympung jong ka U-23 men’s Col CK Nayudu Trophy ba la ialeh ha Rangpo, Sikkim.

Ha ka jingkawang bol u Manish Sharma hynnin ka sngi u la ioh ban pynkhyllem 8/14 ha ki 15 over. Shuh shuh ha ka inning kaba nyngkong u la ioh ban weng 6/40 bad kumta une u nongkawang ka Meghalaya u la ioh ia ka poin kaba 14/54 ha kane ka jingiakhun bad ka Sikkim.

Ha ka jingtied bol jong ka Sikkim, kam shym la lah ban kot sha ka thong kaba 393 run, hynrei ka la liem lut tang ha ka jingkamai kaba 64 ha ki 40.5 over.

Tang arngut ki nongtied ka Sikkim ki la lah ba ioh 10 run shaneng, katba kiwei pat ki nongtied ki la shu hap lut ha ki bol jong u Manish uba la wiang man la ka 11 bol. Ki arngut ki wicket kiba u Manish um shym ioh ban weng ki long u Aryan Borah (1/18) bad u Abhishek Kumar (1/31).
Hadien kane, ka Meghalaya kan khreh leit sa sha Gujarat ha kaba kan ioh ban iakhun sa bad ka Manipur ka ban sdang naduh ka 14 tarik Kylla lyngkot ban ialeh ha Surat.