Shillong:Ha ka sngi ba ar jong ka jingiakhun hapdeng ka Meghalaya bad ka Arunachal Pradesh jong ka lympung Ranji Trophy ba la ialeh ha Anand, Gujarat, ka Meghalaya ka la ioh ia ka jingjop da 172 run ha ka jingialeh na ka plate group match.
Hynnin ka sngi u Dippu Ch Sangma u la ioh ban pynkhyllem 5/54 haba ka Arunachal ka la liem lut baroh ki nongtied tang ha ka jingkamai kaba 238 ha ki 84.5 over. Nalor ka jingioh ban shim san ngut ki wicket hynnin ka sngi bad saw ngut ha ka inning kaba nyngkong u Dippu u la ioh ia ka poin ha kane ka jingiakhun da 9/72.
Watla ka la don ka jingianeh paralok kaba katto katne na ki nongtied jong ka Arunachal Pra desh hynrei kim shym la lah ban kot sha ka thong kaba heh jong ka Meghalaya.
Ka jingioh pynkhyl lem bun wicket ka jong u Dippu ka kynthup ia u wicket uba lai jong ka liang pyrshah ha kaba ka jingianeh paralok ka la long 62 run, bad nalor kane u Dippu u la ioh ruh ban weng ia u nongtied uba hakhmat duh jong ka liang pyrshah kata u Techi Neri uba la ioh ban kamai 46 run
Kiwei pat ki la ioh ban pynkhyllem wicket ki long u Md Nafees (2/23), Ram (1/18) bad u Arbin Singh (1/50).
Hadien kane ka jingiakhun, ka Meghalaya kan ioh ban wanphai iing shuwa ha ka ban pynkhreh ia ka jingiakhun pyrshah sa bad ka Hyderabad ka ban sdang naduh ka 12 tarik Kyllalyngkot ka ban pynialehkai ha madan MCA, Polo.
Phi don ban ong eiei?