Jop ka Meghalaya, ha ka jingiakhun ia ka Arunachal ha ka Nayayudu

Shillong: Da ka jing ka wang bol bha jong u Abhishek Kumar, u la lah ban pynjop ia ka jylla Meghalaya da 180 ron pyrshah ia ka jylla Arunachal Pradesh ha ka step ba saw bad ka sngi khatduh jong ka U-23 Men Col CK Nayayudu Trophy ha madan ialehkai MCA. Da ka jinglah ban pynhap wiket kumba 5/41 ha ka jingialehkai ba nyngkong bad kumba 6/57 ha ka wat ba-ar, ha kaba u nongkawang u la ioh ban khur 11/98 ha kaba rukom ialehkai.

Kane ka jingjop ka dei kaba shitom bha ia ka jylla Meghalaya, hadien ba ka la lah ban pynhap lut ia baroh ki wiket bad kamai kumba 203 ron ha ka wat ba nyngkong katba ka kynhun liang pyrshah ka kamai kumba 224 hap lut baroh ki wiket. U Swastic Chhe tris u la tied 190 ron, khlem hap wiket ka la iarap ia ka jylla Megha laya ba kan lah ban kamai haduh 368 ha ka wat kaba ar bad buh ia ka Target ba 340 Ron ban jop. Ka jingjop jong ka Arunachal Pradesh ka la jngai hadien ba ka la ioh ban kamai 89 ron bad hap 6 tylli ki wiket, ha kaba u Abhishek u ioh khur lai tylli ki wiket.

Ha ka step kaba bud u la ioh ban khur sa kumba lai tylli ki wiket shwa ban poi ka por 10 baje mynstep. Kine ki wiket kiba u la ioh ban khur ki kynthup ia ki ar ngut ki nong kamai ron ba tbit jong ka jylla Aruna chal Pradesh, kata Mi bom Musu u ba la kamai 16 ron bad u Teli Rade 46 ron, hynrei ki la shah pynhap wiket noh. U Teli u la ioh ban tied haduh khyndai ron na bynta ka Aruna chal kiba khlem lah satia ban pynsahngeh ia ka jylla Meghalaya. Ka wiket ba khatduh ka dei jong u Manish Sharma 2/9 la wan rah, hynrei u la tied sha suiñ, ha kaba u Bipin Kumar Ray, u la mareh ban kynrup ia ka bol. Kiba don ha madan ialehkai ban sakhi ki kynthup ia u President jong ka Meghalaya Cricket Association (MCA) u Nababrata Bhattacharya bad u Honourary Treasurer Dhjruba jyoti Thakuria, ha kaba ki la ai khublei kitbok ia ki rang ialehkai bad ka kynhun, kiba la leh bha bad ai mynsiem ia ka kynhun ba kin long kum ki lahduh.

Ka Meghalaya ka la lah ban jop ia saw tylli ki jingialehkai bad ka la ioh ka lad ruh ban rung sha ka semi final, ha kaba ka dang don ruh sa kiwei ka jing iakhun pyrshah ia ka jylla Nagaland ha ka 4 tarik Rymphang.