Ka Manchester City, ka la pynliem ia ka Huddersfield Town, da 3-0 ha ka jingialeh English Premiere League, ha ka Sngi U Blei, ha kaba ia ki kol la ioh thep da U Danilo ha ka minit kaba 18, nangta U Rahim Sterling ha ka minit kaba 54 bad U Leroy Sane, ha ka minit kaba 56.
U Marcus Rashford, uwei na ki nongialehkai ba snar jong ka Man United
Ha ka sngi Saitjain ka Arsenal, ka la pynliem ia ka Chelsea da 2-0, ha kaba la thep kol da U Alexandra Lacazette ha ka minit kaba 14 bad U Laurent Kosciensky ha ka minit kaba 39. Ka Liverpool, ka la pynliem da 4-3 ia ka Crystal Palace, kaba la la thep kol da U Mohammed Salah ha ka minit kaba 46 bad 75, nangta U Sadio Mane ha ka minit kaba 90+3 bad U James Milner ha ka minit kaba 89. Na ka liang ka Palace, la ioh thep kol da U Andros Townsend ha ka minit kaba 34, U James Tomkins ha ka minit kaba 65 bad U Max Meyer ha ka minit kaba 90+5. Ka Manchester United ruh ka iai bteng ban jop ha kaba ka ioh thep da 2-1 pyrshah ia ka Brighton and Hove Albion. La ioh thep ia ki kol da U Paul Pogba da ka jingshut penalty ha ka minit kaba 27 bad U Marcus Rashford ha ka minit kaba 42, katba ia ka Brihgton, la ioh thep da U Pascal Grob ha ka minit kaba 72.
Haduh mynta ka Liverpool, ka ka wan ha jrong duh jong ka English Premiere League, da kaba ka ioh 60 point, nangta ka Manchester City da 56, ka Tottenham da 51 bad ka Chelsea da 47 point.