Ha ka jingialehkai jong ka English Premier League, ka Chelsea, ka la shah pynliem da 3-1 pyrshah ia ka Tottenham. Ia ki kol, na ka liang jong ka Tottenham, la thep da U Alli ha ka minit kaba 7, U Kane ha ka minit kaba 16, bad U Son ha ka minit kaba 56, katba ia ka Chelsea la ioh thep da U Giroud ha ka minit kaba 84.
Ha kawei pat ka jingialehkai ka Manchester City, ka la pynliem ia ka West Ham da 4-0, ha kaba ia ki kol la ioh thep da Silva ha ka minit kaba 11, U Sterling ha ka minit kaba 19, U Sane ha ka minit kaba 34 bad 90+3. Ka Manchester United, ka la ia khaid da 0-0 ha ka jingiakhun pyrshah ia ka Crystal Palace bad ka Liverpool ka la pynliem ia ka Watford da 3-0, ha kaba ia ki kol la ioh thep da U Salah ha ka minit kaba 67, U Alexander Arnold ha ka minit kaba 76 bad U Robert Firmino ha ka minit kaba 89, katba U Henderson ula shah beh noh, na ka madan ialehkai ha ka minit kaba 82.
Ha ka jingioh point haduh mynta ka sngi, ka Manchester City, ka ioh 35 point, ka Liverpool 33, ka Tottenham Hotspur 30 bad ka Chelsea 28.
Ha kawei pat ka jingialehkai jong ka Laliga, ka Real Madrid, ka la shah pynliem da 3-0 ha ka Eibar, katba ha ka Serie A, ka Juventus, ka la jop da 2-0 ia ka SPAL bad U Ronaldo ruh ula ioh thep shi kol, ha katei ka jingialehkai hynnin ka sngi.