Ka Liverpool, ka la jop ia ka Tottenham, ha ka jingialeh phainal jong ka Champions League hynnin ka miet.
La thep ia ki kol na ka liang jong ka Liverpool, da U Mohammed Salah, ha ka minit kaba ar da ka jingshut penalty bad nangta ia ka kol kaba ar, la ioh thep da U Divock Origi, ha ka minit kaba 87.
Ka kol kaba nyngkong, ka long tang hadien ka 21 sekhon, haba U Sadio Mane, u leit shut ia ka bol bad ka leit dei beit ha ki kti jong U Moussa Sissoko. Ha katei ka khyllipmat, U Damir Skomina, u rephri, ula ai rai beit da ka jingshut penalty bad ka dei katei ka kol, kaba nyngkong eh, kaba la shut da U Mohammed Salah. Ka kol kaba nyngkong eh jong U Salah, ka dei ha ka shi minit 48 sekhon bad ka dei ka kol, kaba stet duh ha ka jingialehkai jong ka Champions League, hadien ka kol jong U Paolo Maldini, kaba ula ioh thep ha ka 50 sekhon, ha ka jingialeh hapdeng ka AC Milan pyrshah ia ka Liverpool ha u snem 2005.
Phi don ban ong eiei?