Ka Liverpool, ka la jop da 1-0 ha ka jingialehkai Champions League ia kaNapoli hynnin ka miet, ha kaba ia katei ka kol la thep da U Salah ha ka minit kaba 34. Ha kawei pat ka jingialehkai ka Tottenham, ka la ia khaid mar shi kol, ha ka jingiakhun bad ka Barcelona, ha kaba U Dembele, ula thep kol ia ka Barcelona ha ka minit kaba hynniew bad nangta sa U Moura, ula thep na ka liang ka Tottenham ha ka minit kaba 85.
Ka PSG, ka la jop da 4-1 ia ka Red Star Belgrade, ha kaba la ioh thep da U Cavani (9), U Neymar (40), U Marquinhos (74), bad U Mbappe (90+2), katba ia ka Red Star la ioh thep da U Gobeljic (56).
Ha kawei pat ka jingialehkai ka Inter Milan, ka la hap noh na ka jingialehkai Champions League, haba ka ia khaid da 1-1 ha ka jingialehkai bad ka PSV Eindhoven.