Jop ka Langsning bad Laitkyrhong jong ka U-14 bala pynlong da ka SSA

Shillong: Ka Laitkyrhong SC bad ka Langsning kila jop haka jingiakhun ka U-14 phutbol ka SSA kaba long mynta ka sngi ha madan Polo.

Ka Laitkyrhong ka la pynliem ia ka Nongkrem SC da 5-0 kol katba ka Langsning FC ka la jop suk namar ba ka Lamlynti SC ka khlem wan mih madan ban ai reng hynnin ka sngi.

Ka jingialehkai lashai ka sngi kan long hapdeng ka Mawlai SC pyrshah ia ka Umsohsun SC por 11:30 baje, ka Nongsohphoh SC pyrshah ia ka Mawkhar SC por 1:30 baje bad ka Lummawbah SC pyrshah ia ka Mawnianglah SC por 3:00 baje.