Jop ka Lamyrsiang Sc ia ka Lumsashram ha ka ialehkai sdang ha Saipung

Ka Lamyrsiang SC ka la jop ia ka Lumsashram Sc (defending champion 2017) da 2-1 ha ka jing ialehkai sdang jong ka Super Division jong ka Saipung Block Sports Association. La ioh ban thep shwa da ka Lamyrsiang ha ka 16 mint da u Kiew Bareh jersey no.16.Ha ka kylla miet pat ka Lumsashram ka la ioh ban pynphai ha ka 79 minute ba la thep da u Thymmai Syrti jersey no.7. Shwa ban kut artad ha ka 90 minit ka Lamyrsiang sc ka la ioh ban thep biang da u Lamphrang Paslein jersey no.9. La jied ruh ia  Dikal Bareh, kum u nongialehkai ba bit tam, uba don ia ka Jersey no.11. U kongsan ha katei ka sngi, dei U Ma Silbinus Sukhlain, Lad-Sutnga, uba dei uwei na ki kontraktor hapoh East Jaintia. Ha ka jingkren lyngkot, U Ma Silbinus, u kyrpad ia ki kmei ki kpa ban ailad ia ki khun jong ki ban ialehkai sport,namar ki khynnah ki dei ban ieid ia ka sport khnang ba kin lait na ki jingsniew ba bun rukom.  U kongsan ba ar, dei U Ma Seibor Dkhar (Business man),Lad-Sutnga (Vill). Ki don 7 tylli ki club ba don hapoh ka Super Division.