Jop ka Lajong da 5-0 kol ia ka Nongkrem ha ka U-18 SPL

Shillong: Ka Lajong ka la pynliem ia ka Nongkrem ha ka jingiakhun ka Under 18 Shillong Premier League ka SSA kaba long myn hynnin ka sngi. Ka Lajong ka la pylliem da 5-0 kol.
Ia kine ki kol la thep da u Dajied Wanshnong ha 13’,Saveme Tariang 28’, Amon Lepcha 35’ bad 80’. Katba u Sangti Janai Shianglong u la thep ha ka 67’.
Ka Lajong ka don sa ar tylli ki jingialehkai ha ka 8 tarik pyrshah ia ka Mawkhar SC.
Ha kawei ka jingialehkai ka Nongrim Hills SC ka la iakhaid bad ka Marbisu 1 – 1. Ia ka Nongrim Hills la thep da u B.kurbah 25’ bad ia ka Marbisu SC la thep da S.L.Kynshi 33’.
Ha kawei ka jingialehkai ka 3rd Division, ka Mawtawar SC ka la pylliem ia ka Nongkseh da 1-0. Ia kane ka kol ka Mawtawar la thep da u F.Lyngdoh 61’.
Ha kawei ka jingialehkai, ka 3rd Division, ka Mawshbuit SC ka la iakhaid bad ka Young XI. Ia kine ki kol ka Mawshbuit la thep da I. Mawrie 17’, S.Dakhar 32’ bad C.Nongdhar 43’ bad katba ia ka Young Xl, la thep da u J.Nongbri 8’, 25’ bad u F.Suting 64’.