Jop ka Germany ia ka Portugal, ha ka Euro Cup

MUNICH: Ka Germany, ka la jop hynnin ka sngi, ia ka Portugal, ha ka jing ialehkai European cup.

U Cristiano Ronaldo, ula ioh thep ia ka kol, kaba nyngkong ha ka minit kaba 15, hynrei U Rúben Dias bad U Raphaël Guerreiro, ki la thep hi, sha kol lajong bad katei ka la pynlong ia ka Germany, ba kan nang tam ia ka Portugal.

Hadien kata, sa U Kai Havertz bad U Robin Gosens, ki la ioh thep sa ar kol, ha kylla miet bad kumta ka Germany, ka ioh saw kol ban nang tam.

U Diogo Jota, ula ioh thep shi kol, na ka liang jong ka Portugal, ha ka minit kaba 67 bad kumta ka Portugal, ka la ioh ar kol ban thep sha ka Germany.

Mynta ka Portugal bad ka Germany, kin don mar 3 point, ha ka Group F.

Ha kawei pat ka jing ialehkai ka France, ka ia khaid bad ka Hungary, ha kaba ki ia ioh thep mar shi kol bad ia ka kol jong ka Hungary, la ioh thep da U Attila Fiola, ha ka 45 + minit bad ia ka France, la ioh thep da U Antoine Griezman, ha ka minit kaba 66.