Ka Germany, kaba dei ka Ri, kaba pdiang sngewbha ia ka jingialehkai Euro 2024, ka la jop ia ka Scotland, ha ka jingsdang jong ka jingialehkai Euro 2024, da 5-1 kol.
Ia ki kol jong ka Germany, la ioh thep da U Florian Wirtz bad u Jamal Musiala, hapoh ka 20 minit jong ka jingsdang ka jingialehkai kaba la pynlong ha Munich bad hadien kata, u sa thep sa U Kai Havertz, ha shwa kaba kut jong ka por jong ka kylla step bad ka dei ruh ha kane ka por, ba la beh noh ia U Ryan Porteous, nongialehkai ka Scotland, hadien ba u wohkjat ia u nongialehkai ka Germany, u Ilkay Gundogan. Ia kiwei pat ki kol, la thep da U Niclas Fuellkrug bad u Emre Can, katba ka Scotland, ka la ioh shikol, da ka jingbakla jong U Antonio Rudiger, uba la thep sha ka kol lajong.
Mynta ka jingialehkai, kan long hapdeng ka Hungary pyrshah ia ka Switzerland, ha ka por 6.30 janmiet, katba ka Spain, kan iakhun pyrshah ia ka Croatia, ha ka por 9.30 mynmiet bad nangta sa ka Italy pyrshah ia ka Albania, ha ka por 12.30 shiteng synnia.
Phi don ban ong eiei?