Mawkyrwat: Ka jingialehkai Pre Quarter final kaba hynniew jong ka Mawten V Invitaional Football Tournament 2018-19 ka ba ka long ha ka 26tarik Kyllalyngkot 2019 ha madan mawpyllun Mini Stadium Mawten ka la long ka ba shongshit bha ha kaba ka Galaxy FC na Pynursla ka la jop ia ka Banalari FC da lyngba ka tie breaker hadien ka jingiakhaid kaba mar 2-2.
Ka jingialehkai jong ka kylla step ka long ka ba ia khaid bha ha kaba baroh ar tylli ki team ki long ki ba ia biang bor bad ka jingia bat ia ka bol ka long mar kajuh. Ka Banalari FC ka la kham ia lehkai bha ha kiba sdang jong ki 20 minit ha kaba ka la ioh ki kabu ksiar ki ba biang bha ban pynkhih jar, hynrei Ka jingtbit ki rang ap dien jong Ka Galaxy FC ka khanglad ia ki nongthep kol ka Banalari FC ban ioh pynkhih jar.
Ka Galaxy FC ka la ioh ruh ia ki kabu ksiar lyngba ki set pieces hynrei ka jingtbit u Goalkeeper jong ka ban kyrda bad pyllait ki jingpyrshang ki long leh noh ei ka jingialehkai jong ka kylla step kala shukut khlem da lah ban ia pynkhih jar, hynrei ki paidbah ki la ioh ban sakhi ia ka mynsiem jingia khun kaba itynnad jong baroh ar tylli ki team.
Ha ka kylla miet ka jingialehkai ka la nang kham shngain bad ki paidbah nongpeitkai ki la sdang ban ia Risa ia kynhoi bad ap khmih lynti ia ka jingpynkhih jar jong ki arliang ka Galaxy FC ka la ioh ban thep nyngkong ia ka kol ka itynnad bha lyngba u Stephan Lanongong ha ka minit kaba 56 hadien ka jing ia pashat bol kaba itynnad bha. Ka jingioh thep ka Galaxy FC ka pynlong ia ki players ka Banalari FC ban ia khun dohiap haduh ba ki la ioh ban pyniakhaid ia ka shi goal ha ka minit kaba 67 lyngba u Willbert Marbaniang u la ioh ban khyrwit jam ia ka bol.
Ka Banalari FC Ka la sdang ban ioh mynsiem bad ka la pyrshang ban nion tyngeh ha kaba ka la joh ia lad ban shut ia ka penalty ha ka minit kaba 74 hadien ka handball ia u defender ka Galaxy FC bad la shut ia kane ka penalty da u Bamman Roy bad ban pyntam ia ka jingthep kol da 2-1.
Ki players jong ka Galaxy FC Kim shim la duh mynsiem ki la sdang ban leh tyngeh lyngba ki long pass bad ki set pieces bad dei ha ka minit kaba 81 u Stephan lanong u la thep biang ia ka kol ka ba Ar ka ba pyniakhaid biang ia ka jingialehkai, wat la ki team ki la pyrshang tyngeh ban ioh ia u Namtam hynrei ka kyllamiet ka la shu kut noh bad ka rai kan long beit lyngba ka tie breaker.
Ha ka tie breaker ka Galaxy FC Ka la joh ban pynrung haduh 5 tylli ki kol katba ka Banalari FC Ka la joh ban pynrung 4 tylli ki kol bad kumta ka Galaxy FC ka la ioh ban jam sha ka wat ka jong ka Quarter final jong katei ka Tournament.
Ïa ka khusnam Man of the Match ha kane ka sngi la ïoh pdiang da u Daniel Pyngrope jong Galaxy FC u central defender jong la Galaxy FC u ba la ïalehkaik bha ban khanglad ruh ia ba bun ki jingpyrshang jong ka Banalari FC bad ia kane ka khusnam MOM la iarap ban sponsor da U Bah Mestondar Khari, U President jong ka Mawkohphet sports club bad ruh uwei na ki riew rangbah ba ieid ia ka jingialehkai football bad uba ju long u nongkyrshan bad ai mynsiem ia ki samla ialehkai sports jong ka Dong ka thain Mawkyrwat.