Jop ka England, ia ka Denmark ha ka ialehkai Semi Final

Ka England, ka la jop ia ka Denmark 2-1, ha ka jing ialehkai semi final jong ka Euro 2020, kaba long mynta mynstep bad katei ka la ailad ia ka England, ba kan iakhun pyrshah ia ka Italy, ha ka jing ialehkai phainal ha Wembley, ha ka Sngi U Blei ka ban wan.

U Mikkel Damsgaard, ula thep shi kol ia ka Denmark, ha ka jing ialehkai kaba 30 minit, da ka jingshut free kick; hynrei hadien, U Simon Kjaer, ula thep bakla sha ka kol lajong, ha ka minti kaba 39 bad katei ka la poi sha ka jing ia khaid, da mar shi kol.

Ka jing ialehkai, ka la ia khaid haduh kaba kut, hynrei ha ka jing ai por shuh shuh, U Harry Kane, ula ioh ban thep, da ka jingshut penalty bad kumta ka England, ka la jop da 2-1.