Ka England, ka la pynliem ia ka Sweden, hynnin ka miet ha ka jingialehkai World Cup ha Russia ha kaba ka la ioh thep 2-0 ha ka jingialehkai Quarter Final. La ioh ban thep ia ki kol da U Harry Maguire ha ka minit kaba 30 bad U Delle Alli, ha ka minit kaba 58.
Ha kawei pat ka jingialehkai ka Croatia, ka la pynliem ia ka Russia ha ka jingshut penalty da 4-3. Ha ki minit jong ka jingialehkai, kitei ki ar tylli ki Ri, ki la ia khaid da mar ar kol, ha kaba ka Russia, ka ioh thep shi kol, ha kaba la thep da U Denis Cherychev, ha ka minit kaba 31 bad U Mario Figeura Fernandes ha ka minit kaba 115, katba na ka liang ka Croatia, la ioh thep da U Andrej Kramarik, ha ka minit kaba 39 bad nangta sa U Domagoj Vida ha ka minit kaba 100.