Jop ka East Garo Hills ia ka TDCA-B ha ka U-23 Men’s Cricket Tournament

Shillong: Ka East Garo Hills ka la lah ban ioh ia ka nam jop tang ha ka innings kaba nyngkong ha kaba ka la lah ban jop pyrshah ia ka Tura District Association B tang da 6 wicket ha ka kynhun Zone 2 jong ka Meghalaya Cricket Association’s Inter-District U- 23 Men’s Cricket Tournament, ka TDCA-B ka la ioh ban tied shuwa ha ka kylla step jong kane ka jingialehkai kaba la pynlong ha Mendipathar, hynrei kaba la kut noh tang da 121 bol, uba la ioh kamai bun hangne u dei u Sengkam Sangma da 35 run bad u Prakash jong ka East Garo Hills u la kamai da 3 wicket ha ki 34 bol.

Ha ka kylla miet jong ka Ka East Garo Hills pat ka la ioh ban pyndep ia kane ka jingialeh kai tang da 96 bol ha kaba u Prakash Prasad u la kamai 44 runs katba u Rashidul u ioh 2 wicket da 45 bol.

Da kane ka TDCA-B ha ka innings kaba ar ka la lamkhmat da 25 runs hynrei ka lah pat ban kamai tang 93 runs da ka jingduh noh pat jong baroh ki wickets, bad ha kane ka kynti u Prakash u la kamai point 6/37, kaba la buh ia ka East Garo Hills ha ka lynti jong ka jingjop da 119. U Clever Sangma u la kamai 44 runs uba la iarap ban thom ia ka jingjop ia ka kynhun jong u da 43.3 over.