Shillong: Ka jingialehkai phutbol ba la pyniaid da ka Mawutieng Sports and Cultural Club ha madan Thohlyndit, Sohryngkham myn sngi saitjain ka long ba ha jingialehkai ba nyngkong ka kynhun ialehkai Dream Clippers (Shillong) ka la pynliem da 3-1 kol ia ka Ri-Yan FC (Sohryng kham). Ha ka jingialehkai ba-ar ka kynhun ialehkai Maitshaphrang FC (Jaintia Hills) ka la pynliem da 3-1 kol ia ka Triple-L (Laitlum).
Na ka liang ka synjuk ka pyntip ba kan don biang ka jingialehkai pre-quarter ha ka 27tarik Lber, 2021. Ha kane ka sngi kan don ka jingialehkai hapdeng ka Kyrsoi FC (Smit) pyrshah ia ka M. Iatyllilang (Sohryngkham) ha ka por 1.00 baje bad yn pynbud pat da ka jingialehkai hapdeng ka Mawdieja SC (Sohryng kham) pyrshah ia ka Rympei FC (Shillong) ha ka por 3.00 baje janmiet.
Ka synjuk ka khot ka wer ia baroh ki riew ieit phutbol ban ia wan ban sakhi da la ki jong ki khmat ia kine ki jing ialehkai. Ka bai rung na ka bynta ki nong peitkai ka long tang 30 tyngka marwei.
Phi don ban ong eiei?