Shillong: Ka Darrang ka la ioh ia ka jingjop da kaba pynliem ia ka Nala Rympei United (Nongmensong Umkdait) da 4-2 lyngba ka tie-breaker ha ka jingiakhun ha ka ka 19th Riwar Cup Invitation ba la pyniaid da ka Bakur Social Welfare Sport Club ha madan Bakur, Dawki.
Ka jingialeh ha ka 31tarik kan long hapdeng ka Pashum pyrshah iaka Darrang por 12 pm, ka Shnongpdeng pyrshah iaka Man I Bha Shkentalang por 1.30 bad ka Bright Boys Umkor pyrshah iaka Nongtyngur por 2.45 pm.
Ha kawei ka jingiakhun jong ka 4th under-14, ka Mawshun ka la pynliem ia ka Arisen Umsyiem da 3-1 kol.
Ia ka kol ba nyngkong la thep da u Teilang Nongrum haka 10 minit bad pynbud sa u Threeborlance Khongdup haka 25 minit bad 30 minit bad ia ka Arisen Umsyiem la thep da u Deibormi Tariang ha ka 12 minit.
Ka Nongmadan Pynursla ka la pynliem ia ka Siatbakon lyngba ka tie-breaker da 4-3. Ha ka por ialeh ki iakhaid mar 1-1 ha kaba ia ka nyngkong la thep da u Rikanson Kshiar bad la pyniakhaid da u Pynbhalang Khongstid ka Nongmadan.
Ka jingialehkai haka 31 tarik kan long hapdeng ka Nenggate Pynursla pyrshah iaka Nongtyngur Foxes por 10 am bad ka Bakur pyrshah iaka Rimasar por 11am.