Jop ka Brazil, Croatia; ha ka jingialehkai ha Qatar

Ka Croatia, ka la pynliem ia ka Japan, ha ka jing ialehkai World Cup ha Qatar, da ka jingshut penalty, ha kaba ka Croatia, ka la ioh shut 3-1. Ha ka por ialehkai kitei ki ar tylli ki team, ki la ia khaid mar shikol. La thep kol ia ka Croatia, da U Ivan Perisic, ha ka minit kaba 55, katba ia ka Japan, la ioh thep da U Daizen Maede, ha ka minit kaba 43.

Ha kawei pat ka jing ialehkai, ka Brazil, ka la pynliem ia ka South Korea, da 4-1. La ioh thep kol, na ka liang ka Brazil, da U Vini Jr, ha ka minit kaba 7, nangta, da U Neymar, ha ka minit kaba 13, da ka jingshut penalty, da U Richarlison, ha ka minit kaba 29 bad da U Lucas Paqaeta, ha ka minit kaba 36; katba na ka liang ka South Korea, la ioh thep da U Paik Seung Ho, ha ka minit kaba 76.