Jop ka Argentina, ia ka Australia, kan iakynduh ia ka Netherlands

Ka Argentina, ka la ioh ban pynliem ia ka Australia, ha ka jing ialehkai World Cup, da 2-1 bad lyngba katei ka jingjop, ka Argentina, ka la ioh ban rung sha ka jingiakhun quarter final bad kan iakhun pyrshah ia ka Netherlands, ha ka taiew, ka ban wan.

U Lionel Messi, ula ioh ban thep ia ka kol kaba nyngkong na ka liang ka Argentina, ha ka minit kaba 35, katba ia ka kol, kaba ar, la ioh thep da U Julian Alvarez, ha ka minit kaba 57. Na ka liang ka Australia, ka la ioh thep shi kol, ha kaba ia ka kol, la ioh thep da U Enzo Fernandez jong ka Australia, uba thep sha ka kol lajong. Katei ka jingialehkai, ka dei ha ka round 16 jong ka World Cup ha ka Qatar.

Ha kawei pat ka jingialehkai ka Holland, ka la pynliem da 3-1 ia ka USA. Na ka liang ka Holland, la ioh thep kol, da U Memphis Depay, ha ka minit kaba 10, U Daley Blind, ha ka minit kaba 46 bad nangta sa U Denzel Dumfries, ha ka minit kaba 86, katba na ka liang ka USA, la ioh thep da Haji Wright, ha ka minit kaba 76.