Jop ka Italy, ia ka Belgium, ha ka ialehkai Euro Cup

Ka Italy, ka la rung sha ka Semi Final jong ka Euro 2020, da kaba ka pynliem ia ka Belgium da 2-1, ha kaba ia ki kol baroh ar tylli la ioh thep da U Nicolo Barella bad U Lorenzo Insigne.

Ha ka jing ialehkai hynne ka miet, U Barella, ula ioh thep ia ka kol, ha ka minit kaba 31, katba U Insigne, u ioh thep ha shwa ban kut ka kylla step.

U Romelu Lukaku, ula ioh thep shi kol, na ka liang jong ka Belgium, da ka jingshut penalty, ha ka jing ai por ba khyndiat, ha shwa ban kut ka kylla step, hynrei hadien kata, ym don ba ioh lad shuh ban pynrung jar bad kumta ka Italy, ka la jop da 2-1.

Ka Italy, kan ia kynduh pyrshah ia ka Spain ha Wembley, ha ka sngi hat majai.