Ka Russia ka la lah ban jop donburom ha ing lajong ha ka sngi sdang jong ka FIFA World Cup 2010. Ka Russia ka la pynliem ia ka Saudi Arabia 5-0 ha ka jingiakhun kaba la long mynta ka miet ha madan Luzhniki Stadium. Ia ki 5 kol ka Russia la thep da u Yury Gazinsky ha ka minit kaba 12 jong ka jingiakhun, la pynbud sa ka kol na u Denis Cheryshev uba la ioh ban thep ha ka minit kaba 43 bad ha ka minit kaba 90+1. U Artem Dzyuba u la ioh ban thep ha ka minit kaba 71 bad u Aleksandr Golovin u la iioh ban thep ha ka minit kaba 90+4. Ka Saudi Arabia kam shym la lah ban pynphai wat tang shi kol ruh.