Shillong: Ki kynthei ka Meghalaya, ki la jop mynta ka sngi, ha ka jingialehkai pyrshah ia ka Bihar, da 10 wiket ha ka jingialehkai kaba la pynlong ha Bhubaneshwar.
Ki nongialehkai kynthei jong ka Meghalaya.
Ka Bihar, ka la jop ha ka jing ia kynting pisa bad ka la tied nyngkong, hynrei ki nongtied jongka, ki don tang arngut kiba poi sha ki phew run bad baroh ki nongialehkai ki la hap lut haba ki ioh tang 104run na ka 43.4 over.
Ka Trisha Bera ka ioh 4/16 na ka liang jong ka Meghalaya, ka DD Dutta 3/16 bad ka Pinky Chanda 1/24, katba ka Vandana Mahajan ka kamai ar run bad ka pynhap ruh ia arngut ki nongtied jong ka Bihar. ki nongialehkai ka Meghalaya, ki la ioh kamai 107 run na ka 23 over bad ka Saee Purandare, kam shym la shah pynhap satia ha kaba ka la ioh 59 run bad ka Dutta, kam shym la hap satia ha ka jingioh kaba 39.
Ka Meghalaya, ka la jop kynthih ha ki saw sien ialehkai, ha kaba mynta ki ia kamai mar 16 point bad ka Uttarakhand bad ka Uttarakhand, kan iakhun pyrshah ia ka Meghalaya, ha ka 12tarik Nohprah 2018.