“Jngoh ia ka Police Station”

Shillong, 12 Jymmang:
Kum shi bynta ban pynlong ia ka nongbah Shillong kaba shngain, ki pulit ka jylla hynne ka sngi ki la pyntreikam ia ka prokram ‘Jngoh ia ka Police Station’ bad ia kane la pyllait paidbah hynne ka sngi ha Sardar Police Station.
Ka jingthmu ban pynlong ia kane ka prokram ka long na bynta ban pyniajan ia ki paidbah bad ki pulit bad ban pynsngewthuh ia ki paidbah ba ka Police Station kam dei tang  ka jaka ban buh ia ki runar riew sniew hynrei ka jaka ban buh ruh ia ka jingshakri na bynta ki paidbah.
Kum shi bynta ha kane prokram, ki khynnah pule ka klas XII na ar tylli ki skul kynthup Jail Road Govt. Girls High School bad ka Jail Road Govt Boy’s High School ki la wan jngoh ia ka Sadar Police Station bad ki la ioh ia ka jingbatai na ki heh pulit ka nongbah Shillong.