Jling hap u mawbah, hapdeng surok hajan Dawki

Shillong: Mynta ka step 2 tarik Jylliew 2024, ka la don ka jingthut ha ka leit ka wan ha surok Dawki hadien ba u maw bah pyllun u la hap jling hapeng surok ryngkat ka khyndew.

Kane ka la jia hajan ka jingkieng Dawki, shwa ban poi sha Dawki, kaba lah ban dei na ka jingther u slap, ha kine ki sngi.

Hynrei namar ba kam da jur, la lah ban pynkhuid noh hadien katto katne por ia ka twa ban pyllait biang ia ka leit ka wan jongki kali. Ka jingther u slap sha katei ka thain riwar, ha kine ki sngi, ka la wanrah ka jingthut ha ka leit ka wan ki kali, na ka jingtwa ka khyndew ban khang ia ka leit ka wan ha surok.