Jingkyrkhu Blei(ia ka ri Khasi)

1. Haba nga phai sawdong jongnga;

Jingkyrkhu Blei ki paw shynna,

Ki lum ki wah, ki siej, ki dieng,

Ka lyer pyngngad ba suhsieng.

2. Marwei katno nga sngewsarong

Iala ka ri Khasi lajong

Namar hangi shisha ki shlei

Ki jingkyrkhu kyrpang U Blei.

3. Ainguh ia Me ah Trai Kynrad

U Nongbuh U Nongthaw;

Jingkyrkhu kynsai ngi iohmad

Hangi shisha ki paw.

4. To iengtylli kum shipara

Baroh u khun Khasi Khara

Ki jingkyrkhu b’U Blei U ai

Iaki halade ngin tyngkai.

5. To ngin ñiewkor iaki baroh

Ki jingkyrkhu bangi laioh

Ban kyntiew kynrong iala ka ri

Ka long lyngba jing iatylli.

By. Ieibha u thooh Talang

Shiliang myntang WJH