Jingiaseng samla KJP Synod Sepngi

Shillong, 24 Nailar:
Kat kum ka kyrwoh na u Rev.ER Kharkrang, Administrative, i/c jngia-seng samla KJP Assembly, ka jingrakhe ia ka Youth bad Youth Sunday da ki jingiaseng samla balang hapoh ka jingiaseng Samla KJP Synod Sepngi kan sdang naduh ka 29 tarik u Nailar 2016 haduh ka 4tarik U Nailur 2016. Ha ka jingrakhe youth bad Youth Sunday mynta ka snem la pynbeit ba ka theme ka long “ Ki samla Khristan kiba bat skhem iala ka jingngeit” (1 Pet 5:9). Ka jingjied ia kane ka theme ka long ba ki Samla khristan kin bat skhem iala ka jingngeit wat hapdeng ki jait jinghikai bapher bapher ba mih ha kine ki sngi, kiba la sdang ban pyn artatien ia ka jingngeit bad ba sdang pyn phai dien noh ne bud noh ia ki wei pat ki jinghikai.
Ka jingrakhe Youth week ka la sdang naduh ka snem 1968 haba la rai bad aibor da ka KJP Synod ha kato ka por,ban ai ia ka sngi u Blei (Sunday) ba nyngkong u bnai September ha ka jingpyniaid ia ki jingiaseng baroh shi sngi da ki jingiaseng samla. Ka jingiaseng samla KJP Assembly ka la pynkhreh ruh ban rakhe ia ka jingdap 50 snem ka Youth Sunday ha ka snem 2018.
Ka Jingiaseng Samla KJP assembly ka la dep pynmih ruh ia ka magazine ‘ Ka Atiar ki samla’ kiba don hapoh jong ka ki jingthoh ba kordor shibun eh bad ba iadei ia ki samla bad khynthup ruh ia ka theme Youth Sunday. Lah ban ioh ia kane ka Magazine na Office ka Jingiaseng (youth Dept), KJP Assembly na Shillong, Jowai, Nongstoin, Mairang bad Dawki.
U Rev.ER Kharkrang u phah ia ka jingkhublei bad kyrkhu kyrdoh ia ki jingiaseng Samla Balang baroh ba ka jingrakhe Youth week bad Youth Sunday kan long kaba ai jingkmen ,jingjop bad ka jingmyntoi kaba khraw ia ki khun Samla ka Balang.