Jingialang sngewlem ia U bah Hoping

Shillong, 28 Nailur:
La pynlong ia ka jingialang sngewlem mynta ka sngi ha Main Secreteriat, kum ka dak jong ka jingkynmaw burom ia U bah Hoping Stone Lyngdoh. Ha ka jingialang, la don lang ki myntri sorkar Jylla, ki heh sorkar bad la pynlong ruh ia ka jingsngap jar, kaba ar minit, kum ka dak ka jingsngew burom ia utei u nongialam ba la khlad.
Ha kawei pat ka khubor, na ka liang jong ka East Jaintia National Council (EJNC), ha ka kyrwoh mynta ka sngi, ka pynpaw, ba kum ka dak jong ka jingsngewlem bad ka jingburom ia ka sngi leit ontep ia U paieid Hopingstone Lyngdoh u balong ruh u weina ki nongmihkhmat ba ieng skhem haka nongrim ka jing shisha; kumta ka seng,kanpynlong daka jingthang Mommati (Candlelight) ha Khliehriat HigherSecondary School, Khiehriat EJHD lashai ka janmiet jong ka 29tarik Nailur 2015ha ka por 5.30pm thik, ha kaba kan don ruh ka jingialang lyngkot shwa ka jingthang mommati.
Ka EJNC khlem da buh da thew ia ka jingpher thain,jingpherniam,jingpher seng pher Lama, ka khot kawer iaphi ki para Ri paradohparasnam ki paralok sengbhalang ba pher bapher ki,Ki briew sorkar,ki
MLA/MDC , ki Rangbah shnong jong ka Rilum Jaintia hi baroh kawei bania shim bynta lang ka seng.
Ha kawei pat ka khubor, na ka liang ka Synjuk ki Nongsynshar Shnong ka Bri U Hynniewtrep, ha ka jing ia kynduh jongka ha ka 28tarik mynta u bnai, ka pynpaw ia ka jingsngewkhia kaba khraw halor ka jingduh ia u nongialam ba kynsai ka jaidbynriew, U bah Hopingstone Lyngdoh, uba la khlad noh ha ka 26tarik Nailur 2015.
Ka Synjuk, ka la pynlong ka jingsngap jar, kaba ar minit, kum ka dak jong ka jingburom ia ka jingshakri jong utei u rangbah ia ka jaitbynriew.